Eid Al Fitr UAE ഷാർജ: വാനനിരീക്ഷണ കണക്കുകൾ പ്രകാരം യുഎഇയിൽ ഈ വർഷത്തെ ഈദുൽ ഫിത്തർ (ചെറിയ പെരുന്നാൾ) മാർച്ച് 20 വെള്ളിയാഴ്ച ആയിരിക്കുമെന്ന് ഷാർജ അക്കാദമി ഫോർ അസ്‌ട്രോണമി, സ്പേസ് സയൻസസ് ആൻഡ് ടെക്നോളജി അറിയിച്ചു. ഷാർജ അക്കാദമിയുടെ കണക്കുകൂട്ടലുകൾ പ്രകാരം ഹിജ്റ വർഷം 1447-ലെ റമദാൻ മാസം 30 ദിവസം പൂർത്തിയാകും. ഇതനുസരിച്ച് ശവ്വാൽ ഒന്നാം തീയതിയും പെരുന്നാൾ ദിനവും വെള്ളിയാഴ്ചയായിരിക്കും. റമദാൻ 29-ആം തീയതിയായ മാർച്ച് 18 ബുധനാഴ്ച സൂര്യാസ്തമയത്തിന് മുൻപ് തന്നെ ചന്ദ്രൻ അസ്തമിക്കുന്നതിനാൽ അന്ന് മാസപ്പിറവി ദൃശ്യമാകില്ല. അതിനാൽ മാർച്ച് 19 വ്യാഴാഴ്ച റമദാൻ 30 പൂർത്തിയാകും. ഷാർജ സമയം മാർച്ച് 19 വ്യാഴാഴ്ച പുലർച്ചെ 4:24-ന് ചന്ദ്രന്റെ ഉദയം സംഭവിക്കും. അന്ന് വൈകുന്നേരം സൂര്യാസ്തമയ സമയത്ത് ചന്ദ്രന് ഏകദേശം 14 മണിക്കൂർ പ്രായമുണ്ടാകും. വ്യാഴാഴ്ച സൂര്യാസ്തമയത്തിന് ശേഷം ഏകദേശം 29 മിനിറ്റ് നേരം ആകാശത്ത് ചന്ദ്രന്റെ സാന്നിധ്യമുണ്ടാകുമെങ്കിലും യുഎഇയിൽ നിന്ന് നഗ്നനേത്രങ്ങൾ കൊണ്ട് ഇത് കാണുക അസാധ്യമായിരിക്കും. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/HIrOCRpUyou1wPoFJArQYT അത്യാധുനിക ദൂരദർശിനികൾ ഉപയോഗിച്ചാൽ പോലും മാസപ്പിറവി കാണുന്നത് പ്രയാസകരമായിരിക്കും. യുഎഇയുടെ പടിഞ്ഞാറൻ ഭാഗത്തുള്ള ചില അറബ്, ഇസ്‌ലാമിക രാജ്യങ്ങളിൽ ഭൂമിശാസ്ത്രപരമായ പ്രത്യേകതകൾ കാരണം മാസപ്പിറവി ദൃശ്യമാകാൻ സാധ്യതയുണ്ട്. ഇതിന്റെ അടിസ്ഥാനത്തിൽ ഭൂരിഭാഗം ഇസ്‌ലാമിക രാജ്യങ്ങളിലും വെള്ളിയാഴ്ച തന്നെ പെരുന്നാൾ ആഘോഷിക്കും. എന്നാൽ നഗ്നനേത്രങ്ങൾ കൊണ്ടുള്ള കാഴ്ചയെ മാത്രം അടിസ്ഥാനമാക്കുന്ന രാജ്യങ്ങളിൽ ചിലപ്പോൾ ശനിയാഴ്ചയാകാനും സാധ്യതയുണ്ടെന്ന് അക്കാദമി വ്യക്തമാക്കി.

LATEST JOB IN UAE-DAILY UPDATING…	APPLY NOW
HOSPITAL JOBS IN UAE-DAILY UPDATING…	APPLY NOW
AIRPORT AND AIRLINE JOB IN UAE -DAILY UPDATING…	APPLY NOW
TEACHING JOB IN UAE -DAILY UPDATING…	APPLY NOW
LOGISTICS JOB IN UAE-DAILY UPDATING…	APPLY NOW
ACCOUNTING JOB IN UAE-DAILY UPDATING…	APPLY NOW

യുഎഇയിലെ പുതിയ ജോലി അവസരങ്ങൾക്കായി ഇവിടെ ക്ലിക്ക് ചെയ്യാം

പശ്ചിമേഷ്യൻ സംഘർഷം; വിപണിയിൽ 80 ടൺ പഴങ്ങളും പച്ചക്കറികളും എത്തിച്ച് ലുലു

Lulu delivers fruits vegetables അബുദാബി/ദുബായ്: പശ്ചിമേഷ്യൻ സംഘർഷത്തെത്തുടർന്ന് തടസ്സപ്പെട്ട വ്യോമഗതാഗതവും വിപണിയും സാധാരണ നിലയിലേക്ക് മടങ്ങുന്നു. താൽക്കാലികമായി നിർത്തിവെച്ച ദുബായ് വിമാനത്താവളത്തിന്റെ പ്രവർത്തനം പുനരാരംഭിച്ചതിനൊപ്പം, അവശ്യസാധനങ്ങളുടെ ലഭ്യത ഉറപ്പാക്കാൻ ലുലു ഗ്രൂപ്പ് ടൺ കണക്കിന് പച്ചക്കറികളും പഴങ്ങളും വിദേശത്തുനിന്ന് എത്തിച്ചു. യാത്രാക്ലേശം പരിഹരിക്കുന്നതിനൊപ്പം വിപണിയിൽ ഭക്ഷ്യക്ഷാമം ഉണ്ടാകാതിരിക്കാനുള്ള മുൻകരുതൽ നടപടികൾ ഊർജിതമാക്കിയതായി അധികൃതർ അറിയിച്ചു. ദുബായ് അന്താരാഷ്ട്ര വിമാനത്താവളം (DXB), അൽ മക്തൂം അന്താരാഷ്ട്ര വിമാനത്താവളം എന്നിവിടങ്ങളിൽ നിന്നുള്ള സർവീസുകൾ ഭാഗികമായി പുനരാരംഭിച്ചതായി എയർപോർട്ട് അതോറിറ്റി സ്ഥിരീകരിച്ചു. ഇന്ന് ഉച്ചയ്ക്ക് ശേഷം ടിക്കറ്റ് കൺഫേം ആയ യാത്രക്കാർക്ക് വിമാനത്താവളത്തിലേക്ക് എത്തിച്ചേരാം. ദുബായ് വഴിയുള്ള ട്രാൻസിറ്റ് യാത്രക്കാർ തങ്ങളുടെ കണക്റ്റിംഗ് ഫ്ലൈറ്റുകൾ സർവീസ് നടത്തുന്നുണ്ടെന്ന് ഉറപ്പുവരുത്തണം.  സാഹചര്യങ്ങൾ എമിറേറ്റ്‌സ് സൂക്ഷ്മമായി നിരീക്ഷിച്ചു വരികയാണെന്നും സുരക്ഷ മുൻനിർത്തി വരും ദിവസങ്ങളിലെ ഷെഡ്യൂളുകളിൽ മാറ്റം ഉണ്ടായേക്കാമെന്നും എയർലൈൻ വ്യക്തമാക്കി. സംഘർഷ സാഹചര്യം കണക്കിലെടുത്ത് വിപണിയിൽ ഉൽപ്പന്നങ്ങൾക്ക് ക്ഷാമം നേരിടാതിരിക്കാൻ ലുലു ഗ്രൂപ്പ് ഇടപെട്ടു. വിവിധ രാജ്യങ്ങളിൽ നിന്നായി 80 ടൺ പഴങ്ങളും പച്ചക്കറികളും ലുലു യുഎഇയിൽ എത്തിച്ചു. വരും ദിവസങ്ങളിലും കൂടുതൽ ചരക്കുകൾ എത്തിക്കുമെന്നും ഉപഭോക്താക്കൾക്ക് തടസ്സമില്ലാതെ ഉൽപ്പന്നങ്ങൾ ലഭ്യമാക്കുമെന്നും ലുലു ഗ്രൂപ്പ് അറിയിച്ചു.

“നിങ്ങൾ നിങ്ങളുടെ സ്വന്തം കുടുംബത്തോടൊപ്പമാണ്”; പരിക്കേറ്റവരെ സന്ദർശിച്ച് യുഎഇ പ്രസിഡന്‍റ്, ആശ്വാസമേകി ശൈഖ് മുഹമ്മദ്

UAE President visits injured അബുദാബി: മേഖലയിലുണ്ടായ ഇറാൻ ആക്രമണങ്ങൾക്കിടെ മിസൈൽ, ഡ്രോൺ അവശിഷ്ടങ്ങൾ പതിച്ച് പരിക്കേറ്റവരെ യുഎഇ പ്രസിഡന്റ് ശൈഖ് മുഹമ്മദ് ബിൻ സായിദ് അൽ നഹ്യാൻ നേരിട്ടെത്തി സന്ദർശിച്ചു. ആശുപത്രിയിൽ ചികിത്സയിൽ കഴിയുന്നവരുടെ ആരോഗ്യവിവരങ്ങൾ ആരാഞ്ഞ അദ്ദേഹം, എല്ലാവർക്കും എത്രയും വേഗം സുഖം പ്രാപിക്കട്ടെ എന്ന് ആശംസിച്ചു. രാജ്യത്തെ പൗരന്മാരുടെയും താമസക്കാരുടെയും സുരക്ഷയ്ക്ക് തന്നെയാണ് തങ്ങൾ പ്രഥമ പരിഗണന നൽകുന്നതെന്ന് സന്ദർശന വേളയിൽ അദ്ദേഹം ആവർത്തിച്ചു. പരിക്കേറ്റവരിൽ യുഎഇ പൗരന്മാർക്ക് പുറമെ ഇന്ത്യ, പാകിസ്ഥാൻ, സുഡാൻ, ഇറാൻ എന്നീ രാജ്യങ്ങളിൽ നിന്നുള്ളവരും ഉൾപ്പെടുന്നു. ഓരോരുത്തരെയും നേരിൽ കണ്ട് സംസാരിച്ച പ്രസിഡന്റ്, “നിങ്ങൾ യുഎഇയിലെ നിങ്ങളുടെ സ്വന്തം കുടുംബത്തോടൊപ്പമാണുള്ളത്” എന്ന് പറഞ്ഞ് ആശ്വസിപ്പിച്ചു. പരിക്കേറ്റവർക്ക് മികച്ച ചികിത്സ ഉറപ്പാക്കുന്നതിൽ മെഡിക്കൽ സംഘം കാട്ടുന്ന സമർപ്പണത്തെയും കഠിനാധ്വാനത്തെയും അദ്ദേഹം അഭിനന്ദിച്ചു. പ്രതിസന്ധി ഘട്ടങ്ങളിൽ സുരക്ഷാ നിർദ്ദേശങ്ങൾ പാലിച്ചും ഐക്യദാർഢ്യം പ്രകടിപ്പിച്ചും യുഎഇ സമൂഹം കാട്ടുന്ന സഹകരണം രാജ്യത്തിന്റെ യഥാർത്ഥ സ്വഭാവമാണെന്ന് അദ്ദേഹം പറഞ്ഞു. പ്രസിഡന്റിന്റെ സന്ദർശനം തങ്ങൾക്ക് വലിയ ആത്മവിശ്വാസവും കരുത്തും നൽകുന്നതാണെന്ന് പരിക്കേറ്റവരും അവരുടെ കുടുംബാംഗങ്ങളും പ്രതികരിച്ചു. പ്രസിഡന്റിനൊപ്പം അദ്ദേഹത്തിന്റെ ഉപദേശകൻ ശൈഖ് മുഹമ്മദ് ബിൻ ഹമദ് ബിൻ തഹ്‌നൂൻ അൽ നഹ്യാനും മറ്റ് മുതിർന്ന ഉദ്യോഗസ്ഥരും ആശുപത്രിയിലെത്തിയിരുന്നു. ചികിത്സ പൂർത്തിയാക്കിയ പലരും ഇതിനകം ആശുപത്രി വിട്ടു കഴിഞ്ഞു.

യുഎഇ ഉൾപ്പെടെ ആറ് രാജ്യങ്ങളിൽ സിബിഎസ്ഇ പന്ത്രണ്ടാം ക്ലാസ് ബോർഡ് പരീക്ഷകൾ മാറ്റിവച്ചു

CBSE postpones UAE ന്യൂഡൽഹി: പശ്ചിമേഷ്യയിൽ ഇസ്രായേൽ – യുഎസ്-ഇറാൻ സംഘർഷം ശക്തമായ പശ്ചാത്തലത്തിൽ, ഗൾഫ് രാജ്യങ്ങളിലെ സിബിഎസ്ഇ പന്ത്രണ്ടാം ക്ലാസ് പരീക്ഷകൾ മാറ്റിവെച്ചു. മാർച്ച് 7-ന് പുറത്തിറക്കിയ സർക്കുലറിലാണ് സിബിഎസ്ഇ ഇക്കാര്യം അറിയിച്ചത്. മാർച്ച് 9 മുതൽ മാർച്ച് 11 വരെ നടക്കേണ്ട പരീക്ഷകളാണ് നിലവിൽ മാറ്റിവെച്ചിരിക്കുന്നത്. മേഖലയിലെ സുരക്ഷാ സാഹചര്യം വിലയിരുത്തിയ ശേഷമാണ് ഈ തീരുമാനം. യുഎഇ, ബഹ്‌റൈൻ, ഇറാൻ, കുവൈത്ത്, ഒമാൻ, ഖത്തർ, സൗദി അറേബ്യ എന്നീ ഏഴ് രാജ്യങ്ങളിലെ വിദ്യാർത്ഥികളെയാണ് ഈ തീരുമാനം ബാധിക്കുക. മാറ്റിവെച്ച പരീക്ഷകളുടെ പുതിയ തീയതികൾ പിന്നീട് അറിയിക്കും. നേരത്തെ പത്താം ക്ലാസ് പരീക്ഷകൾ റദ്ദാക്കുകയും പന്ത്രണ്ടാം ക്ലാസിലെ മറ്റ് ചില പരീക്ഷകൾ മാറ്റിവെക്കുകയും ചെയ്തിരുന്നു. മാർച്ച് 10-ന് സാഹചര്യം വീണ്ടും വിലയിരുത്തും. അതിനുശേഷം മാർച്ച് 12 മുതലുള്ള പരീക്ഷകളുടെ കാര്യത്തിൽ തീരുമാനമെടുക്കും. പരീക്ഷകൾ നീണ്ടുപോകുന്നത് വിദ്യാർത്ഥികളുടെ തുടർന്നുള്ള പ്രവേശന പരീക്ഷകളെയും (ഉദാഹരണത്തിന് നീറ്റ് – NEET) യാത്രകളെയും ബാധിക്കുമോ എന്ന ആശങ്കയിലാണ് രക്ഷിതാക്കൾ. “ഏപ്രിലിൽ ഇന്ത്യയിലേക്ക് പോകാൻ നിശ്ചയിച്ചിരുന്നതാണ്, എന്നാൽ പരീക്ഷകൾ നീളുന്നത് നീറ്റ് പരീക്ഷാ തയ്യാറെടുപ്പുകളെ ബാധിക്കുമോ എന്ന് ഭയമുണ്ട്,” എന്ന് ദുബായിലെ രക്ഷിതാക്കൾ പ്രതികരിച്ചു. സിബിഎസ്ഇയുടെ പരിഷ്കരിച്ച പരീക്ഷാ രീതിയിലുള്ള ആദ്യ ബോർഡ് പരീക്ഷയാണിത്. പുതിയ സംവിധാനമനുസരിച്ച് വിദ്യാർത്ഥികൾക്ക് ഒരു അധ്യായന വർഷത്തിൽ രണ്ട് തവണ പരീക്ഷ എഴുതാൻ അവസരമുണ്ട്. ഫെബ്രുവരിയിലെ പരീക്ഷ നിർബന്ധവും മെയ് മാസത്തിലെ പരീക്ഷ ഐച്ഛികവുമാണ്. വിദ്യാർത്ഥികൾ തങ്ങളുടെ സ്കൂളുകളുമായി നിരന്തരം ബന്ധപ്പെടണമെന്നും ഔദ്യോഗിക അറിയിപ്പുകൾക്കായി കാത്തിരിക്കണമെന്നും സിബിഎസ്ഇ നിർദ്ദേശിച്ചു.

കീഴടങ്ങില്ലെന്ന് ഇറാൻ; അയൽരാജ്യങ്ങളോട് ക്ഷമ ചോദിച്ച് പ്രസിഡന്‍റ്; ഗൾഫ് മേഖലയിൽ മിസൈൽ – ഡ്രോൺ ആക്രമണം ശക്തം

Iran Attack ടെഹ്റാൻ/ദുബായ്: പശ്ചിമേഷ്യൻ സംഘർഷം അതീവ ഗുരുതരമായ ഘട്ടത്തിലേക്ക് കടക്കുമ്പോഴും അമേരിക്കയുടെയും ഇസ്രായേലിന്റെയും ഭീഷണികൾക്ക് മുന്നിൽ കീഴടങ്ങില്ലെന്ന് ഇറാൻ പ്രസിഡന്റ് മസൂദ് പെസെഷ്കിയൻ പ്രഖ്യാപിച്ചു. അതേസമയം, ഇറാന്റെ പ്രത്യാക്രമണങ്ങളിൽ ആഘാതമേറ്റ അയൽരാജ്യങ്ങളോട് അദ്ദേഹം ക്ഷമാപണം നടത്തി. ഇറാന്റെ പരമാധികാരത്തിന്മേൽ കടന്നുകയറാൻ ശ്രമിക്കുന്നവർ ആ ആഗ്രഹം ഖബറിലേക്ക് കൊണ്ടുപോകേണ്ടി വരുമെന്ന് സ്റ്റേറ്റ് ടെലിവിഷനിലൂടെ നടത്തിയ പ്രസംഗത്തിൽ പെസെഷ്കിയൻ മുന്നറിയിപ്പ് നൽകി. “എന്റെ പേരിലും ഇറാന്റെ പേരിലും, ഞങ്ങളുടെ ആക്രമണങ്ങൾക്ക് ഇരയാകേണ്ടി വന്ന അയൽരാജ്യങ്ങളോട് ഞാൻ ക്ഷമ ചോദിക്കുന്നു,” പെസെഷ്കിയൻ പറഞ്ഞു. ഇറാനെതിരെ ആക്രമണം നടത്താൻ മണ്ണൊരുക്കാത്ത അയൽരാജ്യങ്ങൾക്ക് നേരെ ഇനി മിസൈൽ വർഷമുണ്ടാകില്ലെന്ന് ഇറാന്റെ ഇടക്കാല നേതൃത്വ കൗൺസിൽ തീരുമാനിച്ചു. എന്നാൽ ശനിയാഴ്ചയും ഗൾഫ് മേഖലയിൽ ഇറാന്റെ മിസൈൽ – ഡ്രോൺ ആക്രമണങ്ങൾ റിപ്പോർട്ട് ചെയ്യപ്പെട്ടു. 80-ലധികം യുദ്ധവിമാനങ്ങൾ ഉപയോഗിച്ച് ഇസ്രായേൽ ഇറാനിലെ സൈനിക കേന്ദ്രങ്ങൾ തകർത്തു.  ടെഹ്റാനിലെ റെവല്യൂഷണറി ഗാർഡ് അക്കാദമി ഉൾപ്പെടെയുള്ള തന്ത്രപ്രധാനമായ ഇടങ്ങളാണ് ലക്ഷ്യമിട്ടത്. ഇസ്ഫഹാൻ പ്രവിശ്യയിൽ നിരവധി ആളപായങ്ങൾ റിപ്പോർട്ട് ചെയ്തിട്ടുണ്ട്. യുഎസ് സേനയുള്ള പ്രിൻസ് സുൽത്താൻ എയർ ബേസിനും യുഎഇ അതിർത്തിയോട് ചേർന്നുള്ള ഷെയ്ബ എണ്ണപ്പാടത്തിനും നേരെ ഇറാൻ തൊടുത്ത മിസൈലുകളും ഡ്രോണുകളും സൗദി അറേബ്യ വെടിവെച്ചിട്ടു. റാസ് തനൂറ റിഫൈനറിക്ക് നേരെയുണ്ടായ ആക്രമണം എണ്ണ ഉൽപ്പാദനത്തെ ബാധിച്ചു. സംഘർഷം പടരുന്ന സാഹചര്യത്തിൽ ബഹ്‌റൈനിൽ അപായ സൈറണുകൾ മുഴങ്ങുകയും ജനങ്ങളോട് സുരക്ഷിത സ്ഥാനങ്ങളിലേക്ക് മാറാൻ അധികൃതർ നിർദ്ദേശിക്കുകയും ചെയ്തു. ഹോർമുസ് കടലിടുക്കിൽ നിർദ്ദേശങ്ങൾ ലംഘിച്ചെന്ന് ആരോപിച്ച് ‘പ്രിമ’ (Prima) എന്ന എണ്ണക്കപ്പലിന് നേരെ ഇറാൻ ഡ്രോൺ ആക്രമണം നടത്തി. ലോകത്തെ ഏറ്റവും പ്രധാനപ്പെട്ട എണ്ണക്കടത്ത് പാതയായ ഇവിടെ കപ്പൽ ഗതാഗതം സുരക്ഷിതമല്ലെന്ന് ഇറാന്റെ റെവല്യൂഷണറി ഗാർഡ് മുന്നറിയിപ്പ് നൽകി. ഇത് ആഗോള എണ്ണ വിപണിയിൽ വലിയ ആശങ്കയുണ്ടാക്കിയിട്ടുണ്ട്. ഇറാൻ “നിരുപാധികം കീഴടങ്ങുക” മാത്രമാണ് യുദ്ധം അവസാനിപ്പിക്കാനുള്ള ഏക പോംവഴിയെന്ന് യുഎസ് പ്രസിഡന്റ് ഡൊണാൾഡ് ട്രംപ് വ്യക്തമാക്കി. കീഴടങ്ങാൻ തയ്യാറായാൽ ഇറാന്റെ സമ്പദ്‌വ്യവസ്ഥ പുനർനിർമ്മിക്കാൻ സഹായിക്കാമെന്നും അദ്ദേഹം വാഗ്ദാനം ചെയ്തു.

എമിറേറ്റ്‌സ് സർവീസുകൾ പുനരാരംഭിക്കുന്നു; യാത്രക്കാർ വിമാനത്താവളത്തിലെത്തും മുൻപ് ഇക്കാര്യം ഉറപ്പാക്കണം

Dubai International Airport ദുബായ്: താത്കാലികമായി നിർത്തിവെച്ചിരുന്ന വിമാന സർവീസുകൾ എമിറേറ്റ്‌സ് എയർലൈൻ ഇന്ന് പുനരാരംഭിക്കുന്നു. ഇന്ന് ഉച്ചകഴിഞ്ഞുള്ള വിമാനങ്ങളിൽ ടിക്കറ്റ് കൺഫേം ആയ യാത്രക്കാർക്ക് വിമാനത്താവളത്തിലേക്ക് എത്തിച്ചേരാമെന്ന് അധികൃതർ അറിയിച്ചു. ദുബായ് വഴി മറ്റ് രാജ്യങ്ങളിലേക്ക് പോകുന്ന ട്രാൻസിറ്റ് യാത്രക്കാർ, തങ്ങളുടെ തുടർന്നുള്ള യാത്രയ്ക്കുള്ള വിമാനങ്ങളും (Connecting flights) സർവീസ് നടത്തുന്നുണ്ടെന്ന് ഉറപ്പുവരുത്തിയ ശേഷം മാത്രം യാത്ര തിരിക്കേണ്ടതാണെന്ന് എമിറേറ്റ്‌സ് നിർദ്ദേശിച്ചു. സംഘർഷ സാഹചര്യം മൂലം യാത്ര തടസ്സപ്പെട്ടവർക്കായി എമിറേറ്റ്‌സ് താഴെ പറയുന്ന ആനുകൂല്യങ്ങൾ പ്രഖ്യാപിച്ചു. ഏപ്രിൽ 30-നോ അതിന് മുൻപോ ഉള്ള തീയതികളിലേക്ക് ടിക്കറ്റുകൾ സൗജന്യമായി പുതുക്കാവുന്നതാണ്. ട്രാവൽ ഏജന്റ് വഴി ബുക്ക് ചെയ്തവർ അവരുമായും, നേരിട്ട് ബുക്ക് ചെയ്തവർ emirat.es/support എന്ന ലിങ്ക് വഴിയും ബന്ധപ്പെടുക. യാത്ര റദ്ദാക്കാൻ ആഗ്രഹിക്കുന്നവർക്ക് emirat.es/refund എന്ന വെബ്സൈറ്റ് വഴി പണം തിരികെ ലഭിക്കാൻ അപേക്ഷിക്കാം. കൃത്യമായ വിവരങ്ങൾ യഥാസമയം ലഭിക്കുന്നതിന് യാത്രക്കാർ തങ്ങളുടെ കോൺടാക്റ്റ് വിവരങ്ങൾ emirat.es/managebooking എന്ന ലിങ്കിൽ നൽകേണ്ടതാണ്. ദുബായിലെ വിവിധ ഭാഗങ്ങളിലുള്ള എല്ലാ സിറ്റി ചെക്ക്-ഇൻ പോയിന്റുകളും (City Check-in points) താൽക്കാലികമായി അടച്ചിരിക്കുകയാണ്. അടുത്ത അറിയിപ്പ് ഉണ്ടാകുന്നത് വരെ യാത്രക്കാർ വിമാനത്താവളത്തിൽ എത്തി നേരിട്ട് വേണം ചെക്ക്-ഇൻ നടപടികൾ പൂർത്തിയാക്കാൻ. യാത്രക്കാരുടെയും ജീവനക്കാരുടെയും സുരക്ഷയ്ക്കാണ് കമ്പനി പ്രഥമ പരിഗണന നൽകുന്നതെന്നും എമിറേറ്റ്‌സ് വ്യക്തമാക്കി.

ദുബായ് വിമാനത്താവളത്തിൽ അപകടമെന്ന വാർത്ത വ്യാജം? വീണത് മിസൈൽ അവശിഷ്ടങ്ങൾ മാത്രമോ?

DXB ദുബായ്: ദുബായ് അന്താരാഷ്ട്ര വിമാനത്താവളത്തിൽ (DXB) അപകടം നടന്നതായി സോഷ്യൽ മീഡിയയിൽ പ്രചരിക്കുന്ന വാർത്തകൾ ദുബായ് മീഡിയ ഓഫീസ് നിഷേധിച്ചു. വിമാനത്താവളത്തിൽ അനിഷ്ട സംഭവങ്ങളൊന്നും ഉണ്ടായിട്ടില്ലെന്നും പ്രചരിക്കുന്ന റിപ്പോർട്ടുകൾ അടിസ്ഥാനരഹിതമാണെന്നും അധികൃതർ വ്യക്തമാക്കി. വ്യോമപ്രതിരോധ സേന മിസൈലുകൾ വിജയകരമായി വെടിവെച്ചിട്ടതിനെത്തുടർന്ന് അതിന്റെ അവശിഷ്ടങ്ങൾ വീണത് മൂലമുണ്ടായ പരിമിതമായ ആഘാതം മാത്രമാണ് ഉണ്ടായതെന്ന് അധികൃതർ അറിയിച്ചു. മിസൈൽ അവശിഷ്ടങ്ങൾ പതിച്ച സംഭവത്തിൽ ആർക്കും പരിക്കേറ്റിട്ടില്ലെന്നും സ്ഥിതിഗതികൾ നിയന്ത്രണവിധേയമാണെന്നും അധികൃതർ അറിയിച്ചു. സ്ഥിരീകരിക്കാത്ത വിവരങ്ങൾ ഓൺലൈനിലൂടെ പങ്കുവെക്കരുതെന്ന് യുഎഇ അധികൃതർ താമസക്കാർക്ക് ആവർത്തിച്ച് മുന്നറിയിപ്പ് നൽകി. പൊതുജനങ്ങളിൽ പരിഭ്രാന്തി പടർത്തുന്ന തരത്തിൽ വ്യാജവാർത്തകളോ അഭ്യൂഹങ്ങളോ പ്രചരിപ്പിക്കുന്നത് കുറ്റകരമാണെന്ന് ദുബായ് പോലീസ് ഓർമ്മിപ്പിച്ചു. വ്യാജവാർത്തകൾ പ്രചരിപ്പിക്കുന്നവർക്ക് യുഎഇ നിയമപ്രകാരം കനത്ത ശിക്ഷ ലഭിക്കും. കുറ്റത്തിന്റെ ഗൗരവമനുസരിച്ച് ജയിൽ ശിക്ഷ ലഭിക്കാം. ചുരുങ്ങിയത് 2,00,000 ദിർഹം (ഏകദേശം 45 ലക്ഷത്തിലധികം രൂപ) മുതൽ മുകളിലോട്ട് പിഴ ഈടാക്കുന്നതാണ്. പ്രതിസന്ധി ഘട്ടങ്ങളിൽ ശാന്തത പാലിക്കണമെന്നും ഔദ്യോഗിക ചാനലുകൾ വഴിയുള്ള നിർദ്ദേശങ്ങൾ മാത്രം പിന്തുടരണമെന്നും ദുബായ് മീഡിയ ഓഫീസ് അഭ്യർത്ഥിച്ചു.

പശ്ചിമേഷ്യൻ പ്രതിസന്ധി: ദുബായ് വിമാനത്താവളം താത്കാലികമായി അടച്ചു

Dubai Airport ദുബായ്/ടെഹ്റാൻ: പശ്ചിമേഷ്യൻ സംഘർഷം അതിരൂക്ഷമായി തുടരുന്നതിനിടെ മേഖലയിൽ നിന്ന് ലഭ്യമായ പ്രധാന വിവരങ്ങൾ താഴെ നൽകുന്നു. മേഖലയിലെ സുരക്ഷാ സാഹചര്യം കണക്കിലെടുത്ത് ദുബായ് അന്താരാഷ്ട്ര വിമാനത്താവളത്തിന്റെ (DXB) പ്രവർത്തനം താൽക്കാലികമായി നിർത്തിവെച്ചതായി ദുബായ് മീഡിയ ഓഫീസ് അറിയിച്ചു. ശനിയാഴ്ച ഉച്ചകഴിഞ്ഞുള്ള വിമാന സർവീസുകൾ പുനരാരംഭിക്കുമെന്ന് എമിറേറ്റ്‌സ് നേരത്തെ അറിയിച്ചിരുന്നെങ്കിലും, നിലവിലെ സാഹചര്യം പരിഗണിച്ച് ദുബായിൽ നിന്നുള്ള എല്ലാ സർവീസുകളും അടുത്ത അറിയിപ്പ് ഉണ്ടാകുന്നത് വരെ റദ്ദാക്കി. ടിക്കറ്റ് ബുക്ക് ചെയ്തവർ വിമാനത്താവളത്തിലേക്ക് പോകരുത്. ഫെബ്രുവരി 28-നും മാർച്ച് 31-നും ഇടയിൽ യാത്ര ചെയ്യേണ്ടവർക്ക് ഏപ്രിൽ 30 വരെ ടിക്കറ്റ് സൗജന്യമായി പുതുക്കുകയോ അല്ലെങ്കിൽ പണം തിരികെ വാങ്ങുകയോ ചെയ്യാം. ഇറാൻ ആക്രമിച്ച അയൽരാജ്യങ്ങളോട് ഇറാൻ പ്രസിഡന്റ് മസൂദ് പെസെഷ്കിയൻ മാപ്പ് ചോദിച്ചു. അയൽരാജ്യങ്ങളുമായി ശത്രുതയില്ലെന്നും അദ്ദേഹം വ്യക്തമാക്കി. ഇറാനെതിരെ ആക്രമണം ഉണ്ടാകാത്ത പക്ഷം, അയൽരാജ്യങ്ങൾക്ക് നേരെയുള്ള ആക്രമണങ്ങൾ താൽക്കാലികമായി നിർത്തിവെക്കാൻ ഇറാന്റെ നേതൃത്വ കൗൺസിൽ തീരുമാനിച്ചു. മിസൈൽ ഭീഷണിയുള്ളതിനാൽ യുഎഇ നിവാസികൾ ജാഗ്രത പാലിക്കണമെന്ന് ദുരന്തനിവാരണ അതോറിറ്റി (NCEMA) അറിയിച്ചു. ഖത്തറിലും സമാനമായ രീതിയിൽ മൊബൈൽ സന്ദേശങ്ങൾ അയച്ചിട്ടുണ്ട്. സുരക്ഷാ മുൻകരുതലിന്റെ ഭാഗമായി മാർച്ച് 7 (ശനി), 8 (ഞായർ) ദിവസങ്ങളിൽ ഗ്ലോബൽ വില്ലേജ് അടച്ചിടും. കുവൈത്തിൽ വ്യാജവാർത്തകളും അഭ്യൂഹങ്ങളും പ്രചരിപ്പിച്ച 13 പേർക്കെതിരെ പബ്ലിക് പ്രോസിക്യൂഷൻ അന്വേഷണം തുടങ്ങി. ടെഹ്റാനിലും മധ്യ ഇറാനിലുമുള്ള ഇറാൻ സൈനിക കേന്ദ്രങ്ങൾ ലക്ഷ്യമാക്കി 80-ലധികം ഇസ്രയേൽ യുദ്ധവിമാനങ്ങൾ ആക്രമണം നടത്തി. മിസൈൽ ശേഖരണ കേന്ദ്രങ്ങളും വിക്ഷേപണ തറകളുമാണ് തകർത്തതെന്ന് ഇസ്രയേൽ സൈന്യം (IDF) അവകാശപ്പെട്ടു. ഇറാൻ ആക്രമണങ്ങളെക്കുറിച്ച് ചർച്ച ചെയ്യാൻ അറബ് ലീഗ് രാജ്യങ്ങൾ ഞായറാഴ്ച (മാർച്ച് 8) അടിയന്തര യോഗം ചേരും. മിഡിൽ ഈസ്റ്റിലുള്ള തങ്ങളുടെ പൗരന്മാർ സുരക്ഷാ അപ്‌ഡേറ്റുകൾക്കായി ഉടൻ തന്നെ രജിസ്റ്റർ ചെയ്യണമെന്നും അടിയന്തര സാഹചര്യങ്ങളിൽ +1-202-501-4444 എന്ന നമ്പറിൽ ബന്ധപ്പെടണമെന്നും യുഎസ് സ്റ്റേറ്റ് ഡിപ്പാർട്ട്മെന്റ് അറിയിച്ചു.

ഇന്ത്യ-യുഎഇ പണമിടപാടുകളിൽ വിപ്ലവം; ഡിജിറ്റൽ കറൻസികൾ ഒന്നിക്കുന്നു, പണമയക്കാൻ ഇനി നിമിഷങ്ങൾ മതി

india-UAE money transactions കൊച്ചി: ഇന്ത്യയും യുഎഇയും തമ്മിലുള്ള സാമ്പത്തിക വിനിമയ രംഗത്ത് വിപ്ലവകരമായ മാറ്റത്തിനൊരുങ്ങി ഇരുരാജ്യങ്ങളിലെയും സെൻട്രൽ ബാങ്കുകൾ. ഡിജിറ്റൽ കറൻസികൾ (CBDC) തമ്മിൽ ബന്ധിപ്പിക്കുന്നതോടെ പ്രവാസികൾക്ക് നാട്ടിലേക്ക് പണമയക്കുന്നത് ഇനി നിമിഷങ്ങൾക്കുള്ളിൽ സാധ്യമാകും. ബാങ്കുകൾ വഴിയുള്ള നിലവിലെ കാലതാമസവും ഉയർന്ന സേവന നിരക്കുകളും ഒഴിവാക്കി സുതാര്യമായ ഇടപാടുകൾ ഉറപ്പാക്കുകയാണ് ഈ പദ്ധതിയുടെ ലക്ഷ്യം. സെൻട്രൽ ബാങ്ക് ഡിജിറ്റൽ കറൻസി (CBDC) അഥവാ ‘ഇ-രൂപ’ ഉപയോഗിക്കുന്നതിലൂടെ ഒരു വാലറ്റിൽ നിന്ന് മറ്റൊരു വാലറ്റിലേക്ക് നേരിട്ട് പണം കൈമാറാം. മണിക്കൂറുകൾ എടുക്കുന്ന ബാങ്ക് ട്രാൻസ്ഫറുകൾക്ക് പകരം നിമിഷങ്ങൾക്കുള്ളിൽ ഇടപാട് പൂർത്തിയാകും. നിലവിൽ വിദേശത്ത് നിന്ന് പണമയക്കുമ്പോൾ നൽകേണ്ടി വരുന്ന ഉയർന്ന സർവീസ് ചാർജുകളിലും വിനിമയ നിരക്കിലും വലിയ കുറവുണ്ടാക്കാൻ ഈ സംവിധാനം സഹായിക്കും. ദുബായിലെത്തുന്ന ഇന്ത്യൻ സഞ്ചാരികൾക്ക് തങ്ങളുടെ യുപിഐ ആപ്പുകൾ ഉപയോഗിച്ച് അവിടുത്തെ കടകളിലും മാളുകളിലും നേരിട്ട് പണമടയ്ക്കാൻ സാധിക്കും. ഇന്ത്യയിലെ എൻപിസിഐ യുഎഇ സെൻട്രൽ ബാങ്കുമായി ചേർന്നാണ് ഈ ബൃഹദ് പദ്ധതി നടപ്പിലാക്കുന്നത്. ഇരുരാജ്യങ്ങളിലെയും പേയ്‌മെന്റ് സിസ്റ്റങ്ങൾ ബന്ധിപ്പിക്കുന്നതോടെ മൊബൈൽ നമ്പറോ യുപിഐ ഐഡിയോ ഉപയോഗിച്ച് പണം കൈമാറാൻ സാധിക്കും. റിസർവ് ബാങ്ക് കഴിഞ്ഞ മൂന്ന് വർഷമായി പരീക്ഷണാടിസ്ഥാനത്തിൽ നടപ്പിലാക്കുന്ന ‘ഇ-രൂപ’ ഈ വർഷം തന്നെ പൂർണ്ണതോതിൽ യുഎഇയുമായി ബന്ധിപ്പിക്കുമെന്നാണ് റിപ്പോർട്ടുകൾ. ഗൂഗിൾ പേ, ഫോൺ പേ തുടങ്ങിയ പ്രമുഖ ആപ്പുകൾ വഴി ഈ സേവനം ലഭ്യമായേക്കും. യുഎഇയിലെ 40 ലക്ഷത്തിലധികം വരുന്ന ഇന്ത്യൻ പ്രവാസികൾക്ക് ഈ നീക്കം വലിയ ആശ്വാസമാകും.

വിദേശത്ത് കുടുങ്ങിയ യുഎഇ താമസക്കാർ മടങ്ങുന്നത് ഒമാനും സൗദിയും വഴി; ബദൽ യാത്രാമാർഗങ്ങൾ സജീവം

UAE land corridors കൊച്ചി: പശ്ചിമേഷ്യൻ മേഖലയിലെ സംഘർഷങ്ങൾ വ്യോമഗതാഗതത്തെ ബാധിച്ചതോടെ, വിദേശങ്ങളിൽ കുടുങ്ങിപ്പോയ യുഎഇ താമസക്കാരെ തിരികെയെത്തിക്കാൻ വിപുലമായ സജ്ജീകരണങ്ങൾ ഒരുങ്ങുന്നു. വിമാന സർവീസുകൾ മുടങ്ങിയതോടെ കരമാർഗ്ഗമുള്ള യാത്രകളും അയൽരാജ്യങ്ങൾ വഴിയുള്ള ബദൽ റൂട്ടുകളുമാണ് ഇപ്പോൾ പ്രധാനമായും പ്രയോജനപ്പെടുത്തുന്നത്. ദുബായ് നിവാസിയായ ഈമാൻ അൽ ഖത്തീബിനെപ്പോലെ നൂറുകണക്കിന് ആളുകളാണ് പെട്ടെന്നുണ്ടായ വ്യോമപാത നിയന്ത്രണങ്ങളിൽ വിദേശ രാജ്യങ്ങളിൽ കുടുങ്ങിപ്പോയത്. യുഎഇയിലേക്കുള്ള മടക്കയാത്രയ്ക്ക് ഒമാൻ, സൗദി അറേബ്യ എന്നീ രാജ്യങ്ങൾ പ്രധാന ട്രാൻസിറ്റ് പോയിന്റുകളായി മാറിക്കഴിഞ്ഞു. വിമാനങ്ങൾ ലഭ്യമല്ലാത്ത സാഹചര്യത്തിൽ ദുബായിൽ നിന്ന് ഹത്ത അതിർത്തി വഴി ഒമാനിലെ മസ്‌കറ്റിലെത്തുകയും അവിടെ നിന്ന് മറ്റ് വിമാനങ്ങളിൽ യാത്ര തുടരുകയുമാണ് പലരും ചെയ്യുന്നത്. വിമാന സർവീസുകൾ പരിമിതമായതോടെ മസ്‌കറ്റ്, റിയാദ്, ദമ്മാം തുടങ്ങിയ നഗരങ്ങൾ കേന്ദ്രീകരിച്ചാണ് ഇപ്പോൾ കൂടുതൽ യാത്രകൾ നടക്കുന്നത്. ഇവിടങ്ങളിലെ ഹോട്ടലുകൾക്കും ട്രാൻസ്‌പോർട്ട് സർവീസുകൾക്കും ഡിമാൻഡ് വർധിച്ചിട്ടുണ്ട്. ഇന്റർനാഷണൽ എസ്.ഒ.എസ്, സിക്കൂറോ ഗ്രൂപ്പ് തുടങ്ങിയ സുരക്ഷാ ഏജൻസികൾ താമസക്കാരെയും കമ്പനി ജീവനക്കാരെയും സുരക്ഷിതമായി എത്തിക്കാൻ മുൻകൈ എടുക്കുന്നുണ്ട്. നിലവിലെ സാഹചര്യത്തിൽ ആളുകൾ ഉടനടി ഒഴിഞ്ഞുപോകാതെ, സാഹചര്യം വിലയിരുത്താനും സുരക്ഷിതമായി എവിടെ തുടരാം എന്ന് മനസ്സിലാക്കാനുമാണ് ശ്രമിക്കുന്നത്. അതിർത്തി കടക്കുന്നതിനായി പാസ്‌പോർട്ട്, വിസ തുടങ്ങിയ രേഖകൾ കൃത്യമാണെന്ന് ഉറപ്പുവരുത്താൻ ഏജൻസികൾ സഹായിക്കുന്നു. കുടുംബങ്ങളുമായി യാത്ര ചെയ്യുന്നവർക്ക് ആവശ്യമായ താമസസൗകര്യങ്ങളും സുരക്ഷിതമായ വാഹനങ്ങളും ഏർപ്പാടാക്കുന്നതിനാണ് കൂടുതൽ മുൻഗണന നൽകുന്നത്. ബെയ്റൂട്ടിൽ കുടുങ്ങിയ ഈമാൻ അൽ ഖത്തീബിനെപ്പോലുള്ളവർ മിഡിൽ ഈസ്റ്റ് എയർലൈൻസിന്റെ പ്രത്യേക വിമാനങ്ങൾക്കായി കാത്തിരിക്കുകയാണ്. “എങ്ങനെയെങ്കിലും ദുബായിൽ തിരികെയെത്തുക എന്നതാണ് ഏക ലക്ഷ്യം. ഇത്തരം പ്രതിസന്ധികളിലാണ് യുഎഇ നമ്മുടെ ജീവിതത്തിൽ എത്രത്തോളം പ്രധാനമാണെന്ന് തിരിച്ചറിയുന്നത്,” അവർ പറഞ്ഞു.

യുദ്ധസമാന സാഹചര്യം: വാഹനമോടിക്കുമ്പോൾ ‘എമർജൻസി അലർട്ട്’ വന്നാൽ എന്തുചെയ്യണം?

emergency alert UAE ദുബായ്: യുഎസ് – ഇസ്രായേൽ-ഇറാൻ സംഘർഷം ഏഴാം ദിവസത്തിലേക്ക് കടന്നതോടെ മേഖലയിൽ നിലനിൽക്കുന്ന അനിശ്ചിതാവസ്ഥയ്ക്കിടെ, ഫോണുകളിൽ അടിയന്തര മുന്നറിയിപ്പ് സന്ദേശം ലഭിച്ചാൽ സ്വീകരിക്കേണ്ട സുരക്ഷാ മുൻകരുതലുകളെക്കുറിച്ച് ദുബായ് പോലീസ് നിർദ്ദേശം പുറപ്പെടുവിച്ചു. ഓഫീസിലോ വീട്ടിലോ ഇരിക്കുമ്പോഴാണ് സന്ദേശം ലഭിക്കുന്നതെങ്കിൽ ജനലുകളിൽ നിന്നും വാതിലുകളിൽ നിന്നും മാറി വീടിന്റെ ഉൾവശത്തുള്ള മുറികളിലേക്ക് മാറുന്നത് എളുപ്പമാണ്. എന്നാൽ വാഹനമോടിക്കുന്നവർ പാലിക്കേണ്ട നിർദ്ദേശങ്ങൾ താഴെ പറയുന്നവയാണ്. അടിയന്തര സന്ദേശം ലഭിച്ചാൽ പരിഭ്രാന്തരാകാതെ ശാന്തമായി വാഹനമോടിക്കുന്നത് തുടരുക. റോഡിന് നടുവിൽ പെട്ടെന്ന് വാഹനം നിർത്തുകയോ അനാവശ്യമായി സൈഡ് ആക്കുകയോ ചെയ്യരുത്.  ഇത് അപകടങ്ങൾക്കും ഗതാഗതക്കുരുക്കിനും കാരണമാകും. സമീപത്ത് സൈനിക നീക്കങ്ങളോ പ്രതിരോധ പ്രവർത്തനങ്ങളോ ശ്രദ്ധയിൽപ്പെട്ടാൽ അവ ചിത്രീകരിക്കാനോ വീഡിയോ പകർത്താനോ ശ്രമിക്കരുത്. റോഡിൽ ശ്രദ്ധ കേന്ദ്രീകരിക്കുക. സുരക്ഷിതമായി ലക്ഷ്യസ്ഥാനത്ത് എത്തിക്കഴിഞ്ഞാൽ ഉടൻ തന്നെ കെട്ടിടത്തിനുള്ളിലേക്ക് പ്രവേശിക്കുക. ജനലുകളിൽ നിന്നും വാതിലുകളിൽ നിന്നും അകന്ന് ഉൾവശത്തുള്ള മുറികളിൽ അഭയം പ്രാപിക്കുക. അധികൃതരിൽ നിന്ന് അപകടസാധ്യത ഒഴിഞ്ഞു എന്ന ഔദ്യോഗിക അറിയിപ്പ് ലഭിക്കുന്നത് വരെ സുരക്ഷിത സ്ഥാനത്ത് തുടരുക. അഭ്യൂഹങ്ങളും സ്ഥിരീകരിക്കാത്ത വാർത്തകളും പ്രചരിപ്പിക്കുന്നത് ഒഴിവാക്കണമെന്നും ഔദ്യോഗിക ചാനലുകൾ വഴിയുള്ള വിവരങ്ങൾ മാത്രം വിശ്വസിക്കണമെന്നും അധികൃതർ വീണ്ടും ഓർമ്മിപ്പിച്ചു.

പശ്ചിമേഷ്യൻ പ്രതിസന്ധി: പച്ചക്കറികൾ കൊണ്ടുപോകാന്‍ അബുദാബിയിൽ നിന്നുള്ള പ്രത്യേക കാർഗോ വിമാനം ഇന്ന് കൊച്ചിയിലെത്തും

Special cargo flight കൊച്ചി: പശ്ചിമേഷ്യൻ സംഘർഷത്തെത്തുടർന്ന് നിലച്ച കയറ്റുമതി മേഖലയ്ക്ക് നേരിയ ആശ്വാസമായി അബുദാബിയിൽ നിന്നുള്ള പ്രത്യേക കാർഗോ വിമാനം ഇന്ന് കൊച്ചിയിലെത്തും. യാത്രാ വിമാനങ്ങൾ റദ്ദാക്കിയതോടെ പ്രതിസന്ധിയിലായ പച്ചക്കറി കയറ്റുമതി പുനഃസ്ഥാപിക്കാനാണ് ഈ പ്രത്യേക വിമാനം എത്തുന്നത്. സംഘർഷം കാരണം കേരളത്തിലെ വിമാനത്താവളങ്ങൾ വഴിയുള്ള ചരക്കുനീക്കം കുത്തനെ കുറഞ്ഞതായി സിയാൽ അധികൃതർ വ്യക്തമാക്കി. സാധാരണ യാത്രാ വിമാനങ്ങളിലാണ് ചരക്കുകൾ കൊണ്ടുപോകാറുള്ളതെങ്കിലും, നിലവിലെ സാഹചര്യം പരിഗണിച്ച് പച്ചക്കറികൾക്കായി മാത്രം പ്രത്യേക കാർഗോ വിമാനം അബുദാബിയിൽ നിന്ന് എത്തും. കൊച്ചിയിൽ നിന്നുള്ള ചരക്കുനീക്കത്തിൽ 60 ശതമാനത്തോളം കുറവുണ്ടായതായി കാർഗോ എച്ച്.ഒ.ഡി സതീഷ് കുമാർ പൈ അറിയിച്ചു. പ്രതിസന്ധി പൂർണ്ണമായി മാറാൻ ഇനിയും സമയമെടുക്കും. പച്ചക്കറികൾ കാർഗോ വിഭാഗത്തിലേക്ക് എത്തിക്കുന്നതിന് നിലവിൽ നിയന്ത്രണങ്ങൾ ഏർപ്പെടുത്തിയിട്ടുണ്ട്. വ്യോമയാന സർവീസുകൾ മുടങ്ങിയതും ഹോർമുസ് കടലിടുക്ക് അടച്ചതും മൂലം പഴം, പച്ചക്കറി, മത്സ്യ കയറ്റുമതി മേഖലയിൽ കോടികളുടെ നഷ്ടമാണ് ഉണ്ടായിരിക്കുന്നത്. റംസാൻ കാലത്ത് ജിസിസി രാജ്യങ്ങളിലേക്ക് വൻതോതിൽ ചരക്ക് എത്താറുള്ളതാണ്. എന്നാൽ ഇത്തവണ കയറ്റുമതി താളംതെറ്റിയത് കച്ചവടക്കാരെ വലിയ പ്രതിസന്ധിയിലാക്കി. സാധാരണ പ്രതിദിനം 150 ടൺ പഴം-പച്ചക്കറി വിഭവങ്ങളാണ് കേരളത്തിലെ വിമാനത്താവളങ്ങൾ വഴി പോകുന്നത്. ഇതിൽ വലിയൊരു ഭാഗം കൈകാര്യം ചെയ്യുന്ന തിരുവനന്തപുരം വിമാനത്താവളത്തിൽ നിന്നുള്ള കയറ്റുമതിയും പൂർണ്ണമായും നിലച്ച അവസ്ഥയിലാണ്.